D3]
Marken auf Wiener Eisengeschirr (Wiener Balkenkreuz. Dasselbe in Verbindung mit dem lanclesfürstlichen
Bindenschild. Zwei Marken unbekannter Werkstätten). XVI. und XVlI. jahrhunden. Burg Kreuzenstein bei Wien
„Wer den maistern des obberurten handwerchs nicht genugsam ist
oder sich mit peicht, pues und in andern sacramennten nach Ordnung der
heyligen christenlichen Kirichen nicht halt, denselben sollen die gesellen des
egenannten handwerchs in ir bruederschaft nicht nemen und sol in auch ain
solher nit genossom sein."
„Es sol auch khain neuer oder der umb das handtwerch nicht gelernt
hat öfen seczen oder öfen pessern, nur alain sein maister hiet sunst kainen
knecht."
„Ob ein gesell aus erber notturft sein gewannt oder klainat verkhauffen
oder verseczen musst, das mag er in ir bruederschaft geben, da es dann
gehaltn sol werden, bis derselb gesell das widerlösen mag umb das gellt, so
er es verseczet oder verkauft hat, und das zu haben begert."
„So ein geseil bey ainem maister krannkh wirdet und solanng ligt, das
er den maister schulldig wirdt, der sol dem maister, so im got wiederauf-
hillft und gesunnd wirdt, solh schullden mit arbait abdienen."
„Ob ein gesell ungehorsam gefunden würd, der sol durch sy gestraft
werden umb wax nach gelegenhait der ungehorsambkait."
„Die maister solln auch ir geselln hallten bey irer allten gerechtigkait,
daentgegen sollen die geselln sich auch gegn den rnaistern hallten, wie dann
es von allter ine zu geburd."
„Es sol auch khain gesell nicht spillen, es sey mit wurffl oder karten;
wer damit begriffen wird, der sol verfalln sein in ir bruederschaft U, E
waxs, wen das ainer oder mer geselln bey solhen spill weren und zusehen
und solhs nicht anbrechten, die solln auch gestraft werden yder um r E
Waxs."
„Wenn frömbd knecht hafnerhandwerchs herkomen, die solln zu den
vattern geen in die herberg und dieselben soll der vatter schikhe dem maister
oder wittibn irs handwerchs der oder die kainen knecht hat."
„Es soll auch kain maister zwen Knecht seczen, vor es hab vor ain
yeder maister ainn knecht; so aber ain maister ains knechcz nicht bedörfft,
so mag in ein annder wol seczen und haben zwen. So aber ain ander zwen
bedarf, so sol kainer drey haben."
„So ain knecht von aim maister aufstet, derselb sol zu den vater geen
und der vatter sol denselben geselln dem maister schiken, der sein am
nottürftigistn ist."